drinking party

drinking party @ Riley
Originally uploaded by life in UO.

想不到這天的節目這麼多。

早上十點上完課，十一點十五分去開工，放兩點。之後留在dorm左弄右弄的。到六點吃飯，然後同Michi去fencing practice，八點練完後如常走到籃球場打波。和一班祖國同胞打了兩場 4 on 4，再和另外一班人打了四五場3 on 3，直至十一點多收場為止。拖住一副似是不屬於自己的身軀返宿舍。剛坐下沒多久，Ely就拍門叫去飲酒，盛情難卻，唔去好似好唔比面咁。

入到Heather間房，已經有八只鬼係度飲緊。（Drew, Heather W, Hiroki, Stu, Lea, Heather S, Shane, Carlos. ）加埋Ely, Michi 同我，成間房滿晒人。之後Heather整左杯Long Island比我，味道唔錯，好易入口，只係我剛做完劇烈運動，所以D酒精好快就上左腦，成塊面好似關公咁。醉醉地，真係講英文都大聲D。其實我都係坐既多，間唔中影下相。搞到點幾兩點，Ely又問我地去唔去另外一個party，食要盡情，玩要盡興，一行八人二話不說立即起程。

行左大半個鐘，一路行Ely一路問Michi 同Hiroki D咸濕日文點樣講，笑到大家面黃。係差D迷路題情況下，終於去到目的地。原來係一間house。推門入去，有幾只鬼已經飲緊，再落地牢，又有幾只，其中認得有兩個係住同同一棟dorm的。企左幾個字，悶悶地，Ely又問Michi想唔想識女仔，又話佢個女友識好多女仔。同女仔飲點都好過同班麻甩仔飲啦，見Hiroki同只鬼好似幾好傾咁，乾翠撇低佢，一行三人又再出發。

出面D天氣凍到死，重要一邊行，一邊share一鑵 Budweiser。老實講，真係唔係幾想飲，加上天氣凍，行左一陣已無乜酒意。三條友一路行一路吹水。Ely知Michi中意一個叫Yumi既日本女仔，兩三個禮拜前大家有過一面之緣，又真係幾cutie. 因為個女仔係Ely女友的朋友，所以比較容易‘上手’。Ely重要一邊走一邊分析：“一陣呢，Michi就上Yumi，我就跟我女友，噢 I’m sorry', Kong, 你要一個人啦…”真他媽的不夠朋友。最搞笑係佢打左兩次電話，叫佢女友準備足夠的酒兼確保Yumi醉倒，真係想寫個服字比佢。

行行下大家又差D迷路，好彩最後都行返岩。路過見到地下有塊路牌，我打趣說拿去當紀念品，估唔到Ely真係走去抬起就走，睇到我O晒咀。無佢符，由佢顛。行經Carson Hall，有架警車突然在我們面前停下。唔係咁黑仔呀…

未完。